Subscribe to RSSDelhi Mizo Kut hmang zo ta
Kar hmasa lamah Kut sports hmanna kan rawn update tawh a. Tun Inrinni Nov. 8 khan Kutpui Ni chu Arun Mohan Farm House, Chhatarpur ah hman a ni. Kut sports a inelna neih tawh bakah, chhun lamah chuan inelna chi hrang hrang solo, skit, group zai, lengkhawm, debate, extempore, traditional dress etc ah te neih leh a ni bawk. Zing dar 10 ah pawl inchhiarna atang bawkin hun hi hman tan a ni a, inelna chi hrang hrang in a zui chho a, tlai dar 4:30 ah ruai tuihnai tak kil ho a ni. Sawi hmaih chi loh, he hunah hian eitur chi hrang hrang a thlawnin engtik lai pawhin a awm reng a, nuam khawp mai. Thlalak hi dah chho leh puat puat ang aw, tun tum chu thlalak ka ngah vak lo.
Stage hi a sang tha hle, sound system pawh a tha ngang mai.
Delhi Mizo Kut hman a ni
Delhi Mizo Kut 2008 outdoor lam chu nimin khan JNU ah neih zawh a ni. Hetah hian inelna chi hrang hrang, football, volleyball, inkawibah, in dawlchuh, ineisiak, in hruipawh, in ball vawm, in ban elh, intlansiak etc te neih a ni a, pawl pali ah inthenin chungte chu Dingi (A eng), Phunchawng (A hring), Ainawn (A pawl), Chhawkhlei (A sen) te an ni. Nilengin hun hman a ni a, nimina point dinhmunah chuan Ainawn ho hi an la chak ber a ni. Inrinni lo awm tur Nov 8 hian Indoor lampang intihsiakna neih leh a ni dawn a. Tin, he hunah hian zaithiam hrang hrang Mimi renthlei, Alex, Mathlenga etc zai tura beisei an ni bawk. Sawi tur dang vak ka hre lo, pic hi neih ang ang dah pawp pawp ang.
MIZO NIH TINUAMTU DMZP BASKETBALL TEAM
Champion Team - DMZP . For more pics, click HERE
Sikkim Students Association buatsaih North-east state leh ram dang(foreign) thenkhat telna Sikkim Basketball tournament 18th - 25th Septembera khelh zawh takah khan Dmzp Basketball team DMZP (MIZO) tiin mipa leh hmeichhia kan tel ve a.Result chhuanawm tak mai hnamdangte laka mizo nih tinuamtu min chawisangtu Pathian zarah kan nei a ni.Playerte leh playerte support tura rawn kal zawng zawng chungah Dmzp chuan lawmthu a sawiin a chhuang em em a ni
He tounament-ah hian North-east state thenkhat leh ram dang (foreign) lammi pawh team 9 lai an rawn tel a.Dmzp hmeichhe team hian 3-na kan hauh a,Mipa team erawh a pumpuiah chak ber niin CHAMPION nihna kan hauh a,a ropuiin mizo min tihmingtha tak meuh meuh ani.
Mizo tlangval boral
Oct ni 8 zing dar 1:30 vel khan New Delhi-a Khalsa College bulah Mizo tlangval pahnih hnathawk haw lam bike-a inphur chu truck pakhatin a su a, bike khalhtu Joseph Lalchhuanliana (24) s/o R.Lalzuala, Chhinga Veng chu a thi. A phurh Lalawmpuia s/o Vanlaldiki, Chanmari chu nikhaw hrelovin damdawi inah enkawl mek a ni.
Thudawn danin Joseph-a te thiandun hi Call Centre-a thawk an ni a, an hnathawk haw lam chu Khalsa College bula an tlan lai hian anmahni tan zawngin kawng pen atangin truck rawn tlanchhuak thut chuan a su a. Hetihlai tak hian CNN-IBN a thawk te an rawn tlan ve a, Joseph-a mobile phone leh wallet perchhuak atangin Delhi-a a unaunu an be pawp thei hlauh a, tunge a nih tih pawh hriat nghal a ni a, damdawi in thlenpui a nih chuan Joseph-a hi a thi tawh a ni.
Joseph a ruang hi post mortem leh a tul ang ang tihfel a nih hnuah Oct 8 zan dar 9 khan Mizoram House ah thlahna hun hman a ni a, Oct 9 zing dar 7 ah Mizoram lam panpui a ni. DMZP ten kan ui hle a, khawhar chhungte Lalpan awmpui se kan ti. (Source : Buannel.com)
MAGAZINE HRIATTIRNA
DMZP Magazine a chhuah tur article thehluh theih hun kha pawhsei leh a ni a, thuchhuah tur nei te chuan nancylalhlimpuii@gmail.com ah emaw dmzpmag@rediffmail.com ah emaw thehluh theih reng a ni. Tin ziak pawhin L.V Malsawmtluanga (9990627015) hnenah thehluh theih reng a ni.
Tin, e-mail a thawn tawhte pawh khan in thil thawn te kha kan hruaituten an la dawng lova, khawngaiha thawn tha leh turin kan in ngen e.
Photo session: Karleh inkhawm banah hian DMZP member zawng zawng te DMZP magazine a dah turin thla lak tur a ni a, kan thiante inkhawm ngailo pawh he hunah hian tel turin sawm theuh kan tum dawn nia.
Tin, Committee peng hrang hrang pawhin he hunah hian thla lak nghal bawk tur a ni.
Final year tan a hriattur
DMZP member Final Yr. zawng zawng te Magazine a dah tur Passport Size Photo ken theuh tur a ni a, hemi rual hian mahni hming leh zirlai leh Mizoram address ziah tel tur a ni.
A Aw B I thiam em???????
Biakin a tawngkam kan hman dikloh thenkhat tarlang
NA – Tih hi suffix a ni a. A hmanhun leh hunlo hi kum lama upa tak tak leh inkhawm kaihruaitute pawh hian an ti sual fo.
Entirna diklo: ‘Thingpui inhona kan nei a, Pu Mawizuala’n thusawina a nei bawk’.
A chunga NA kan hmanna khi a diklo a ni.
Entirna dik : ‘Thingpui kan inho a, Pu Mawizuala’n thu a sawi’ tih mai tur a ni. A nihloh pawn NA tih kan hmang dawn a nih chuan ‘Thingpui inhona hun kan nei a, Pu Mawizuala’n thu sawina hun a nei bawk’ tih tur a ni.
Thingpui inhona chu no a ni mai a. No kan nei ho a, Pu Mawizuala thu sawi na pawh a ka a ni mai a. A dikloh dan chu kan hrethiam mai awm
DMZP NEWS Sept 28, 08
CM kawmna neih a ni: Ni 22 sept khan DMZP hruaitu te chuan kan CM Pu Zoramthanga kawmna hun hlimawm tak Mizoram house-ah an nei a, Delhi Mizo zirlaite mamawh hrang hrang an sawipui. Hemi bakah hian kan CM hian Tamchon football tournament-a kan inpuahchah nan Rs.30,000/- min pe bawka, a chungah DMZP member-te kan lawm takzet a ni.
Tamchon Football tournament inpuahchahna pawh a kal chho zel a.
Team list pawh vawiin hian thehluh fel a tum ni. Team jersey pawh pahnih lei tura rel anih mai bakah pakhat zawkah chuan players te hming pawh chhut tum a ni bawk.. A dang leh zawk chu jubilee denchhena siam tur a ni. Heng jersey te hi sponsor tu tur kan nei dawn a ni awm e. Mipui lam pawhin khelh tak tak hunah theih tawpin kan player kan support dawn nia.
TT TOURNAMENT
DMZP TT Tournament kha 3rd Oct. (Fri) ah remchan zawkna avangin sawn a ni a. A hmun chu nakinah inhriattir leh a ni ang. Wednesday(11:59:59pm) thlengin hming pek theih a ni. Hming hi SMS hmangin Kima (9990937914) leh Joseph(9711055374) hnenah pek theih a ni.
He hun hi memberte’n inpawhna tha zawk neih nan leh Autumn chawlhlai denchhena intihhlimnan a siam a ni. Mixed double pawn a khelh theih dawn a ni.
Prize: 1st –Rs.1000
2nd- Rs.500
3rd- Rs.300
Entry Fee:Rs10 a ni e.
Rihnim Editorial Sept 8, 08
Mizote hi kan pi leh pute atanga hnam taima kan ni a. Kan taimakna chuan chhungkua leh khawtlang ah rahtha a chhuah thin. Amaherawhchu, hun lo inher danglam zela kan taimakna kawng lo dang ve ta tial tial hi I han bihchiang deuh dawn teh ang.
Mizote hi ‘Pathian hnam thlan kan ni’ in ti mah ila Pathian hian kan nitin hnathawhnaah hian min tihpuiin min thawhsak vek dawn lo tih hi kan hriat a tha hle a ni. Kan Pathian hi thleibik neilo Pathian a ni kan ti a, dik pawh a dik reng bawk a. Pathian hian A mi te hi kawng tinrengah malsawm min duh a, amaherawhchu keini hi kan taimak loh chuan A malsawmna hi kan dawng dawn lo a ni.
Chawngkhum dan tlang huatloh
## Kan tang vak lo sam kan tan mai mai
-Din Dini&Opi(Satya)
## Kut vawk tur kan vulh e kan chhungkuain
-PuiPuii&Nu Rintei
## Mumbai chu a niiiii…….
- Tato-a
## Tato, keipoh Aizaaawl tho ala niii… -Zoa(Satya)
SUIHLUNGLEN HI !!!
-Muanpuia, Munirka
Tlai dar li bawr vela in hawlo a ruahsur hnuaia nihliap han inzawn lai te leh nulain kan lungphu ngaithla ni awm taka kan awma an han bei laite ngaihtuah chuan, keini ang val dang anga val to lo tak te tan chuan a ngaihawmin lunglen a chawk tho hma khawp mai.
Mihring hi kan inanglo hle a, kan thisen zawmpui te nen pawh duhdan leh ngaihdan a inang lo thei hle a ni. A chunga kan tarlan pawh khi mithenkhat tan chuan engmah lo maiah a chang thei bawk. Amaherawhchu keini ang mi lungleng ve thei tak tan chuan a hlu in, Pathian lehkhabu thianghlim tih lohah chuan ka chhungril fan tu ber a ni fo thin. He khawvel ram zauah hian piantirh ata vawikhat pawh la lungleng lo hi mi pangngai zingah chuan an awmin a rinawm loh. Eng thil ber emaw chuan mihring hi lunglenna khurah hian min hnuk lut vek tawhin a rinawm a. A chhuah pawh kan chhuak leh thei vekin a rinawm. A pawimawh ta ber erawh chu lunglenna khura kan awm lai khan engang rilru nge kan put tih hi a ni.
HRIATTIRNA
Final Year zawng zawng te khan DMZP Magazine ami tur Passport size thlalak L.V.Malsawmtluanga (9990627015) leh Nancy Lalhlimpuii (9811738806) te hnenah a rang thei ang ber a thehluh tur a ni. Tin magazine-a thu chhuah tur nei te chuan tun thla ni 15 hma ngeiin nancylalhlimpuii@yahoo.com ah emaw editorial board member te hnenah emaw thehluh tur a ni.
